تھائی لینڈ میں بارشوں کا 300 سالہ ریکارڈ ٹوٹ گیا

بنکاک: تھائی لینڈ میں بارشوں کا 3 سو سال کا ریکارڈ ٹوٹ گیا۔ اس حوالے سے بنکاک سے مقامی حکام کے مطابق مختلف علاقوں میں 400 ملی میٹر سے زائد بارش ریکارڈ کی گئی۔

مقامی حکام کے مطابق شدید بارشوں کے بعد سیلابی صورتحال پیدا ہوگئی,کچھ علاقوں میں 2 میٹر (6.6 فٹ) تک پانی کھڑا ہے۔

حکام کا کہنا ہے کہ موسلا دھار بارش اور سیلاب سے ملک کے 9 صوبے زیرِ آب آگئے ہیں جب کہ ہمسایہ ملک ملائیشیا کی آٹھ ریاستیں سیلاب میں ڈوب گئی ہیں، جو سینکڑوں کلومیٹر کے علاقے میں گزشتہ سال جان لیوا موسمی مون سون بارشوں سے متاثر ہوئے۔

تھائی لینڈ کی وزارتِ صحت کے مطابق کرنٹ لگنے اور دیگر حادثات میں 19 افراد ہلاک ہو چکے ہیں۔