کراچی:سیف سٹی باکس چوری کرنےوالے ملزمان گرفتار

کراچی: بلاول ہاؤس چورنگی کے قریب سیف سٹی کے سافٹ ویئر باکس کی چوری میں ملوث دو ملزمان کو پولیس نے گرفتار کر لیا ہے۔

پولیس کے مطابق 6 نومبر کو بلاول ہاؤس چورنگی کے قریب سیف سٹی پروجیکٹ کا باکس چوری کیا گیا تھا، جس کے بعد کیمرے اتار لیے گئے تھے۔ چوری میں ملوث دیگر تین ملزمان پہلے ہی گرفتار ہو چکے ہیں۔

گرفتار ملزمان کی نشاندہی پر پولیس نے مسروقہ سامان بھی برآمد کر لیا، جبکہ کباڑی کو بھی گرفتار کر لیا گیا ہے۔ ڈسٹری بیوشن باکس سیف سٹی کیمروں کو بہتر سروس فراہم کرنے میں مدد دیتا ہے اور اس میں لاکھوں روپے مالیت کا سامان ہوتا ہے۔