نیپال کے 100 روپے کے نئےکرنسی نوٹ نے بھارت میں کھلبلی مچا دی ?

کھٹمنڈو: نیپال کے 100 روپے کے نئےکرنسی نوٹ  نے بھارت میں کھلبلی مچا دی ۔

تفصیلات کے مطابق نیپال کے مرکزی بینک نے 100 روپے کے نئے کرنسی نوٹ گذشتہ روز  جاری کیے ،جاری ہونے والے نئے کرنسی نوٹ میں نیپال کا نیا نقشہ دکھایا گیا ہے، جس سے بھارت میں کھلبلی مچ گئی۔

غیر ملکی میڈیا رپورٹس کے مطابق نئے نوٹ میں کالاپانی، لیپولیکھ اور لمپیادھورا جیسے متنازع علاقے دکھائے گئے ہیں، جو بھارت کے ساتھ تنازع کا باعث بنے ہوئے ہیں۔نیپال راسٹرا بینک (این آر بی) کے نئے نوٹ پر سابق گورنر مہا پرساد ادھیکاری کے دستخط ہیں، جبکہ نئے نوٹ کے اجراء کی تاریخ 2081 BS ہے، جو گزشتہ سال 2024 کو ظاہر کرتی ہے۔