بابر اعظم نے ایک اور ریکارڈ اپنے نام کرلیا

 

راولپنڈی — پاکستان کے کپتان بابر اعظم نے سری لنکا کے خلاف سہ ملکی ٹی ٹونٹی سیریز کے فائنل میں شاندار فیلڈنگ کا مظاہرہ کرتے ہوئے 3 کیچ پکڑے اور ٹی ٹونٹی فارمیٹ میں پاکستان کی جانب سے سب سے زیادہ کیچ پکڑنے والے فیلڈر بن گئے ہیں۔

بابر اعظم نے فخر زمان کو پیچھے چھوڑتے ہوئے 60 کیچز کے ساتھ پہلے نمبر پر جگہ بنا لی ہے، جبکہ فخر زمان 57 کیچز کے ساتھ دوسرے اور شعیب ملک 50 کیچز کے ساتھ تیسرے نمبر پر ہیں۔

انہوں نے پاکستان کی جانب سے سب سے زیادہ انٹرنیشنل کیچز لینے والے کھلاڑیوں میں سابق کپتان شاہد آفریدی کو بھی پیچھے چھوڑ دیا ہے۔ بابر اعظم نے یہ اعزاز راولپنڈی میں سری لنکا کے خلاف فائنل میں کوشل مینڈس کا کیچ پکڑ کر حاصل کیا۔

فائنل میچ میں بابر اعظم نے مجموعی طور پر 3 کیچ پکڑے، جس کے بعد ان کے انٹرنیشنل کیچز کی تعداد 170 ہو گئی، جبکہ شاہد آفریدی نے اپنے کیریئر میں 167 کیچز کیے تھے۔
ٹیبل میں پہلے نمبر پر سابق کپتان یونس خان ہیں جنہوں نے اپنے کیریئر میں 281 کیچز لیے، دوسرے نمبر پر سابق کپتان انضمام الحق ہیں جنہوں نے 194 کیچز کیے، اور شاہد آفریدی تیسرے سے چوتھے نمبر پر آگئے ہیں۔