جرمنی 2029 کی یورو ویمنز فٹبال چیمپئن شپ کی میزبان ملک بن گیا

یورپی فٹ بال ایسوسی ایشن (یو ایف اے ایف اے) کے صدر الیگزینڈر سیفیرن نے اعلان کیا ہے کہ جرمنی 2029 کی ویمنز یورو چیمپئن شپ کی میزبانی کرے گا۔

سوئٹزرلینڈ کے شہر نیون میں ایک خصوصی تقریب میں بتایا گیا کہ جرمنی نے میزبان ملک کا اعزاز پولینڈ اور ڈنمارک و سویڈن کے مشترکہ بڈ کے مقابلے میں حاصل کیا، جس میں جرمنی نے کم ووٹ کے مارجن سے کامیابی حاصل کی۔

صدر سیفیرن نے کہا کہ تینوں بڈ میں سے کسی کا انتخاب نہ ہونا دل شکن ہوتا، لیکن آخر کار لفافے سے جرمنی کا نام نکالا گیا۔

2029 کے گرمیوں کے اس ٹورنامنٹ میں 16 قومی ٹیمیں حصہ لیں گی، اور میچز کولون، ڈورٹمنڈ، ڈسلڈورف، فرینکفرٹ، ہنوور، لیپزگ، میونخ اور وولفز برگ کے 8 مختلف مقامات پر کھیلے جائیں گے۔

ابتدائی طور پر پرتگال اور اٹلی نے بھی میزبان ہونے کے لیے دستاویزات جمع کروائی تھیں، تاہم بعد میں انہوں نے 2032 کے مینز یورو اور 2030 کے مینز ورلڈ کپ کی مشترکہ میزبانی پر توجہ مرکوز کرنے کے لیے اپنی درخواست واپس لے لی۔