اسٹار طالب علم ہونے پرپاکستانی نوجوان کی برطانیہ میں ڈی پورٹیشن رک گئی

برطانیہ میں پاکستانی نژاد 22 سالہ محمد اذہان کی ڈی پورٹیشن عارضی طور پر روک دی گئی ہے۔ محمد اذہان کو Class A اور Class B منشیات کی ترسیل میں ملوث ہونے کے جرم میں 30 ماہ قید کی سزا سنائی گئی تھی۔

غیر ملکی خبر رساں ادارے کے مطابق محمد اذہان کے ریکارڈ میں اسکول میں چاقو لے جانا، دکان سے چوری، اور اسکول سے اخراج جیسے واقعات بھی شامل ہیں۔

منشیات کے نیٹ ورک میں ملوث ہونے کے بعد محمد اذہان نے اپنی 30 ماہ کی سزا پوری کر لی ہے، اور برطانوی ٹربیونل نے اس کی اپیل منظور کر دی ہے۔

اب اسکول میں بہترین کارکردگی اور اسٹار طالب علم ہونے کے پیش نظر، برطانیہ کی حکام نے اس کی ڈی پورٹیشن روک دی ہے۔