فیفا ورلڈ کپ 2026 کا ڈراز جاری،48 ٹیمیں 12 گروپس میں تقسیم

 

فیفا ورلڈ کپ 2026 کے ڈراز کا اعلان کر دیا گیا ہے جس کے مطابق ٹورنامنٹ میں شرکت کرنے والی 48 ٹیموں کو 12 گروپس میں تقسیم کیا گیا ہے۔ ایونٹ آئندہ برس امریکا، کینیڈا اور میکسیکو میں کھیلا جائے گا۔

گروپ اے میں میزبان میکسیکو کے ساتھ جنوبی افریقہ، جنوبی کوریا اور پلے آف ڈی کی کوالیفائر ٹیم شامل ہوگی۔
گروپ بی میں کینیڈا، قطر، سوئٹزرلینڈ اور یو ایفا پلے آف اے کی فاتح ٹیم — جو ویلز یا نادرن آئرلینڈ میں سے ایک ہوگی — شامل ہیں۔

گروپ سی میں برازیل، مراکش، اسکاٹ لینڈ اور ہیٹی شامل ہیں۔
گروپ ڈی میں امریکا، آسٹریلیا، پیراگوائے اور یو ایفا پلے آف سی سے کوالیفائی کرنے والی ٹیم شامل کی جائے گی۔

گروپ ای میں جرمنی، ایکواڈور، آئیوری کوسٹ اور کوراکاو شامل ہیں، جبکہ گروپ ایف میں نیدرلینڈز، جاپان، تیونس اور یو ایفا کوالیفائر بی کی ٹیم کو رکھا گیا ہے۔

گروپ جی میں بیلجیم، ایران، مصر اور نیوزی لینڈ شامل ہیں۔
گروپ ایچ میں اسپین، سعودی عرب، یوروگوئے اور کیپ وردے کو جگہ دی گئی ہے۔

گروپ آئی میں فرانس، سینیگال، ناروے اور فیفا پلے آف 2 کی فاتح ٹیم شامل ہوگی۔
گروپ جے میں دفاعی چیمپیئن ارجنٹینا کے ساتھ آسٹریا، الجیریا اور اردن شامل ہیں۔

گروپ کے میں پرتگال، ازبکستان، کولمبیا اور فیفا کوالیفائر ون کی ٹیم شامل ہوگی، جبکہ گروپ ایل میں انگلینڈ، کروشیا، پاناما اور گھانا کو رکھا گیا ہے۔

ڈراز کی تقریب امریکا میں منعقد ہوئی جس میں سابق امریکی صدر ڈونلڈ ٹرمپ نے بھی شرکت کی۔