نیپا واقعہ،گلشن اقبال میں کھلے گٹروں پر ٹاؤن چیئرمین کی تصاویر آویزاں

 

کراچی: نیپا میں 3 سالہ بچے کی مین ہول میں گر کر ہلاکت کے بعد گلشن اقبال میں ٹاؤن چیئرمین کے خلاف مہم شروع کر دی گئی ہے۔

اہل علاقہ کی جانب سے گلشن ٹاؤن کے مختلف علاقوں میں ہر کھلے گٹر اور کچرے کے ڈھیر پر ٹاؤن چیئرمین کی تصاویر آویزاں کی گئی ہیں۔ تصاویر پر مختلف نعرے درج ہیں، جیسے ’منجانب اہل علاقہ‘، ’تلاش گمشدہ‘ اور ’عوام کا پیسہ عوام پر خرچ کرو‘۔

گلشن ٹاؤن کے چیئرمین نے خود کو گٹر کے ڈھکن لگانے کی ذمہ داری سے بری الذم قرار دیا، جس کے بعد اہل علاقہ نے انہیں شدید تنقید کا نشانہ بنایا۔

واضح رہے کہ گزشتہ ہفتے شاہ فیصل کے رہائشی 3 سالہ ابراہیم نیپا کے قریب مین ہول میں گر کر جاں بحق ہو گیا تھا۔