یونان میں تارکینِ وطن کی کشتی ڈوبنے سے 18 ہلاک

یونان میں تارکینِ وطن کی ایک کشتی جنوب مشرقی کریٹ کے ساحل کے قریب الٹنے کے نتیجے میں 18 افراد ہلاک ہو گئے، جبکہ دو افراد کو زندہ بچا لیا گیا۔حکام کے مطابق کشتی میں کم از کم 20 تارکینِ وطن سوار تھے جو حادثے کے بعد سمندر میں جا گرے۔

 

جزیرہ کریسی کے جنوب میں گزرنے والے ایک ترک تجارتی جہاز نے کشتی کو دیکھا اور فوری طور پر حکام کو اطلاع دی۔دو زندہ بچ جانے والوں کو طبی امداد فراہم کی جا رہی ہے۔

سرچ آپریشن میں ایک جہاز، ایک طیارہ، ایک ہیلی کاپٹر اور تین تجارتی بحری جہاز شامل ہیں، جو لاشوں اور ممکنہ زندہ بچ جانے والوں کی تلاش میں مصروف ہیں۔

 

حکام کا کہنا ہے کہ لاشوں کو سرد خانے منتقل کیا جا رہا ہے، جہاں شناخت کا عمل مکمل کیا جائے گا۔ابتدائی معلومات کے مطابق کشتی شمالی افریقہ سے آ کر یونانی سمندری حدود میں داخل ہوئی تھی۔ سانحے کے بعد علاقے میں سکیورٹی اور سرچ آپریشن مزید تیز کر دیا گیا ہے۔