تھائی لینڈ اور کمبوڈیا کے درمیان سرحدی جھڑپیں دوبارہ شروع

 

تھائی لینڈ اور کمبوڈیا کے درمیان سرحدی جھڑپیں دوبارہ شدت اختیار کر گئی ہیں۔ تھائی فوج کے ترجمان کے مطابق کمبوڈیا نے نئے مقامات پر فوجیوں اور ہتھیاروں کی تعیناتی بڑھا دی ہے، جس کے نتیجے میں ایک تھائی فوجی ہلاک اور سات زخمی ہو گئے ہیں۔ تھائی فوج نے بھی کمبوڈین حملوں کا بھرپور جواب دیا۔

دوسری جانب کمبوڈیا کی وزارت دفاع کا کہنا ہے کہ تھائی فوج کی جانب سے حملے کیے گئے، تاہم کمبوڈیا کی جانب سے کسی قسم کی مزاحمت نہیں کی گئی۔

یاد رہے کہ اس سال جولائی میں بھی دونوں ممالک کے درمیان سرحدی جھڑپوں میں درجنوں افراد ہلاک ہوئے تھے۔ بعد ازاں اکتوبر میں امریکی صدر ڈونلڈ ٹرمپ کی مداخلت پر آسیا کے ممالک کی سمٹ میں دونوں ممالک کے درمیان سیز فائر کروایا گیا تھا، لیکن دو ہفتے بعد تھائی لینڈ نے کمبوڈیا پر حملے کے الزام کے بعد معاہدے سے علیحدگی کا اعلان کر دیا۔

کمبوڈیا نے امریکی صدر ڈونلڈ ٹرمپ کو نوبیل امن انعام کے لیے بھی نامزد کیا تھا، جس کے بعد دونوں ممالک کے تعلقات میں کشیدگی برقرار ہے۔