انجینئر محمد علی مرزا کی درخواست پر ایف آئی اے اور پنجاب قرآن بورڈ سے جواب طلب

 

لاہور ہائیکورٹ نے انجینئر محمد علی مرزا کی درخواست پر ڈی جی ایف آئی اے اور چیئر مین پنجاب قرآن بورڈ سے جواب طلب کر لیا۔ جسٹس شہرام سرور نے انجینئر مرزا کی ایف آئی اے کی تحقیقات کے خلاف درخواست کی سماعت کی، جس میں دونوں اداروں کو فریق بنایا گیا ہے۔

درخواست گزار کے وکیل ایڈووکیٹ نبیل جاوید کاہلوں کے مطابق، ایف آئی اے نے انجینئر مرزا کو نوٹس جاری کیے بغیر تحقیقات شروع کر دی تھیں اور سوشل میڈیا پر موجود ویڈیو کو فتویٰ کے لیے پنجاب قرآن بورڈ بھیج دیا۔ پنجاب قرآن بورڈ نے پرانی ویڈیو کی بنیاد پر انجینئر مرزا کو گناہ گار قرار دے دیا۔

درخواست میں موقف اپنایا گیا کہ پنجاب قرآن بورڈ کو کسی فرد کے خلاف فتویٰ جاری کرنے کا اختیار نہیں ہے اور یہ صرف قرآن پاک کی اشاعت کی نگرانی کرتی ہے۔ انجینئر مرزا نے عدالت سے استدعا کی کہ جاری فتویٰ کو کالعدم قرار دے کر ان کے خلاف تحقیقات ختم کرنے کا حکم دیا جائے۔