ذہنی مریض کبھی بھی ملک کے حق میں بات نہیں کرے گا،طلال چوہدری

 

وزیر مملکت برائے داخلہ طلال چوہدری نے اسلام آباد میں پریس کانفرنس کے دوران کہا کہ کسی کے کندھے پر بیٹھ کر اقتدار تک پہنچنے والے آج اداروں کے خلاف ہرزہ سرائی کر رہے ہیں۔ انہوں نے کہا کہ ذہنی مریض کبھی بھی ملک کے حق میں بات نہیں کرے گا۔

طلال چوہدری نے مزید کہا کہ پی ٹی آئی کے حالیہ جلسے میں عملی طور پر ثابت ہوا کہ وہاں ملک دشمن عناصر کو نقصان پہنچانے والی تنقید کی گئی، جس میں پاک فوج اور دیگر قومی اداروں کو بلاوجہ تنقید کا نشانہ بنایا گیا۔ وزیر مملکت نے کہا کہ ملکی اداروں کے خلاف بے جا تنقید کی یہ صورتحال مزید برداشت نہیں کی جا سکتی۔

انہوں نے یہ بھی کہا کہ ہر روز بانی پی ٹی آئی کے ایکس ہینڈل کے ذریعے اداروں پر الزامات لگائے جا رہے ہیں، جس سے قومی سلامتی اور عوامی اعتماد متاثر ہو رہا ہے۔