بابر اعظم اور شاہین آفریدی بگ بیش لیگ کھیلنے آسٹریلیا پہنچ گئے

 

 

سڈنی: قومی کرکٹرز کے بگ بیش لیگ (بی بی ایل) کے لیے سفر جاری ہے، اور اسٹار کھلاڑی بابر اعظم اور شاہین آفریدی بھی لیگ میں حصہ لینے کے لیے آسٹریلیا پہنچ گئے ہیں۔

بابر اعظم سڈنی سکسرز جبکہ شاہین آفریدی برسبین ہیٹ کی جانب سے کھیلیں گے۔ اس سے قبل شاداب خان، محمد رضوان اور حسن علی بھی آسٹریلیا پہنچ چکے ہیں۔ آسٹریلوی لیگ بی بی ایل کا آغاز 14 دسمبر سے ہوگا۔

قومی کرکٹرز کو بی بی ایل کھیلنے کے دوران اگر سری لنکا کے خلاف ٹی 20 سیریز کے لیے منتخب کیا گیا تو انہیں لیگ چھوڑنا پڑے گا۔ کھلاڑیوں کو اس سلسلے میں مشروط این او سی بھی جاری کیے گئے ہیں۔