مکہ مکرمہ:منشیات اسمگلنگ کے الزام میں 1پاکستانی،2افغان شہریوں کو سزائے موت

مکہ مکرمہ میں سعودی حکام نے منشیات اسمگلنگ کے مقدمات میں ایک پاکستانی اور دو افغان شہریوں کی سزائے موت پر عملدرآمد کر دیا۔
سعودی وزارت داخلہ کے مطابق افغان شہری مملکت میں میتھ اسمگل کرنے جبکہ پاکستانی شہری ہیروئن اسمگل کرنے کے الزام میں گرفتار کیے گئے تھے۔

وزارت کے مطابق تینوں ملزمان پر عائد الزامات مکمل طور پر ثابت ہوئے، جبکہ اپیلوں میں بھی ان کی سزاؤں کو برقرار رکھا گیا۔ قانونی مراحل مکمل ہونے کے بعد آج ان کی سزائے موت نافذ کر دی گئی۔

بیان میں مزید کہا گیا ہے کہ سعودی حکومت منشیات کے پھیلاؤ کی روک تھام اور شہریوں کو محفوظ رکھنے کے لیے مجرمان کے خلاف سخت ترین اقدامات جاری رکھے گی۔