متحدہ عرب امارات:تمام مساجد میں جمعہ کی نماز اورخطبے کا یکساں وقت مقرر

 

متحدہ عرب امارات (یو اے ای) نے اعلان کیا ہے کہ ملک کی تمام مساجد میں جمعہ کی نماز اور خطبے کے لیے یکساں وقت مقرر کر دیا گیا ہے۔

اماراتی جنرل اتھارٹی آف اسلامی افیئرز کے مطابق نیا نظام 2 جنوری 2026 سے نافذ العمل ہوگا، اور تمام مساجد میں جمعہ کا خطبہ اور نماز 12 بج کر 45 منٹ پر ادا کی جائے گی۔

قبل ازیں دبئی اور ابوظہبی میں جمعہ کی نماز عام طور پر 1:30 بجے جبکہ شارجہ اور شمالی امارات میں تقریباً 12:30 بجے ادا کی جاتی تھی۔ نئے نظام کے تحت پورے ملک میں ایک ہی وقت مقرر کر دیا گیا ہے۔

جنرل اتھارٹی نے نمازیوں سے درخواست کی ہے کہ وہ مقررہ وقت کی پابندی کریں اور جمعہ کی نماز کو متعین کردہ وقت پر ادا کرنے کا اہتمام کریں۔