عرفان صدیقی کے بیٹے عمران خاور صدیقی وزیراعلیٰ پنجاب کے ایڈوائزر مقرر

 

وزیراعلیٰ پنجاب مریم نواز شریف نے عرفان صدیقی مرحوم کے بڑے صاحبزادے عمران خاور صدیقی کو وزیراعلیٰ پنجاب کا ایڈوائزر مقرر کر دیا ہے۔ اس حوالے سے ایس اینڈ جی اے ڈی پنجاب نے نوٹیفکیشن جاری کر دیا ہے۔

ذرائع کے مطابق مسلم لیگ ن کے قائد نواز شریف عرفان صدیقی کی خالی سینیٹ کی نشست ان کے بیٹے کو دینے کا ارادہ رکھتے تھے۔ تاہم عمران صدیقی پنجاب بورڈ آف انویسٹمنٹ کے سربراہ ہیں اور اس حیثیت سے سرکاری خزانے سے تنخواہ وصول کر رہے ہیں، جس کے باعث وہ سینیٹ کا الیکشن لڑنے کے اہل نہیں تھے۔

عمران خاور صدیقی کی ایڈوائزر کے طور پر تقرری پنجاب میں سیاسی اور انتظامی امور میں ان کی شمولیت کو مزید مستحکم کرے گی۔