حکومت مخالف احتجاج کے بعدبلغاریہ کے وزیرِ اعظم مستعفی

 صوفیہ: بلغاریہ میں کئی ہفتوں کے حکومت مخالف احتجاج کے بعد وزیرِ اعظم مستعفی ہو گئے۔ 

دارالحکومت صوفیہ سے غیر ملکی خبر ایجنسی کے مطابق بلغاریہ کے وزیراعظم روزن زیلیازکوو نے استعفیٰ دے دیا۔

آج بلغارین وزیرِ اعظم روزن زیلیازکوو کے خلاف تحریکِ عدم اعتماد پر ووٹنگ ہونی تھی۔

خبر ایجنسی کا کہنا ہے کہ بلغاریہ میں حکومت کی معاشی پالیسی اور کرپشن کے خلاف کئی ہفتوں سے احتجاج جاری تھا۔