تھائی لینڈ کے وزیراعظم نے پارلیمنٹ تحلیل کر دی

بنکاک : تھائی لینڈ کے وزیراعظم انتھن چارن ویراکل نے صرف3 ماہ عہدے پر فائز رہنے کے بعد پارلیمنٹ تحلیل کر دی،جس کا اعلان شاہی گزٹ میں جاری فرمان کے ذریعے کیا گیا ہے۔

شاہی گزٹ کے مطابق حکومت اقلیتی حیثیت رکھتی ہے اور ملک میں سیاسی حالات مختلف چیلنجز سے بھرپور ہیں، جس کے باعث حکومت ریاستی امور کو مؤثر اور مستحکم انداز میں جاری نہیں رکھ سکتی۔ اس لیے ایوانِ نمائندگان کی تحلیل اور نئے عام انتخابات کرانا ہی مناسب حل ہے۔

تھائی قانون کے مطابق انتخابات پارلیمنٹ تحلیل ہونے کے 45 سے 60 دن کے اندر منعقد کیے جائیں گے، جس کے باعث پولنگ جنوری کے آخر یا فروری کے اوائل میں متوقع ہے۔

ق پارلیمنٹ کی قبل از وقت تحلیل ایسے وقت سامنے آئی ہے جب تھائی لینڈ اور کمبوڈیا کی متنازع سرحد پر جھڑپیں شدت اختیار کر چکی ہیں، جن میں اب تک20 افراد ہلاک اور تقریباً 6 لاکھ افراد بے گھر ہو چکے ہیں۔