پالتو طوطے کو بچاتے ہوئے تاجر کرنٹ لگنے سے ہلاک

بھارتی شہر بنگلور میں ایک 32 سالہ تاجر اپنے قیمتی پالتو طوطے کو بچانے کی کوشش کے دوران کرنٹ لگنے سے ہلاک ہو گیا۔ پولیس کے مطابق واقعہ گیری نگر علاقے میں پیش آیا اور ہلاک ہونے والے کی شناخت ارون کمار کے نام سے ہوئی ہے۔

پولیس کا کہنا ہے کہ ارون کمار کا پالتو مکاؤ طوطا، جس کی مالیت تقریباً ڈھائی لاکھ بھارتی روپے ہے، گھر سے اُڑ کر قریب واقع بجلی کے کھمبے پر جا بیٹھا تھا۔ طوطے کو واپس لانے کی کوشش میں ارون کمار نے ہاتھ میں لوہے کا پائپ لے کر کمپاؤنڈ کی دیوار پر چڑھ گئے، تاہم پائپ ہائی وولٹیج لائن سے ٹکرا گیا، جس کے نتیجے میں انہیں شدید کرنٹ لگا اور وہ نیچے گر پڑے۔

سینئر پولیس افسر کے مطابق ارون کمار طوطے کو بچانے کی کوشش کر رہے تھے کہ حادثہ پیش آیا۔ انہیں فوری طور پر قریبی ہسپتال منتقل کیا گیا جہاں ڈاکٹروں نے ان کی ہلاکت کی تصدیق کر دی۔