جان سینا کا 23 سالہ ریسلنگ کیریئر ہار کے ساتھ اختتام پذیر

واشنگٹن: ریسلنگ کی دنیا کے عظیم ترین ستاروں میں شمار ہونے والے جان سینا نے اپنے 23 سالہ شاندار کیریئر کا آخری مقابلہ لڑ کر باضابطہ طور پر ان-رنگ ریسلنگ سے ریٹائرمنٹ کا اعلان کر دیا۔

فائنل میچ میں انہیں موجودہ طاقتور ریسلر گنثر کے ہاتھوں سبمیشن (سلیپر ہولڈ) کے  ہاتھوں شکست کا سامنا کرنا پڑا۔

یہ مقابلہ واشنگٹن ڈی سی کے کپیٹل ون ایرینا میں منعقد ہوا، جہاں 19 ہزار سے زائد شائقین موجود تھے۔ فائٹ کے دوران جان سینا نے بھرپور مزاحمت کی اور آخری لمحے تک ڈٹے رہے، مگر گنثر نے اپنی تکنیکی برتری اور طاقت کے بل پر سینا کو ہتھیار ڈالنے پر مجبور کر دیا۔

It's over.

Gunther taps out John Cena. pic.twitter.com/0O2lTpl3p1

— WWE (@WWE) December 14, 2025

یہ جان سینا کے کیریئر کی ایک تاریخی شکست تھی، کیونکہ وہ گزشتہ 20 برسوں میں پہلی بار کسی مقابلے میں سبمیشن کے ذریعے ہارے۔ اس لمحے نے نہ صرف میدان میں موجود شائقین بلکہ دنیا بھر کے ریسلنگ مداحوں کو جذباتی کر دیا، جنہوں نے سینا کے حق میں طویل عرصے تک تالیاں بجا کر انہیں خراجِ تحسین پیش کیا۔

جان سینا 17 بار ورلڈ چیمپئن رہ چکے ہیں اور انہیں ریسلنگ تاریخ کے گریٹ آف آل ٹائم میں شمار کیا جاتا ہے۔ اپنے ریٹائرمنٹ ٹور کے دوران انہوں نے 36 شوز میں شرکت کی اور 15 بڑے مقابلے لڑے۔ اس عرصے میں وہ WrestleMania میں ریکارڈ 17ویں عالمی چیمپئن شپ جیتیں۔