کولمبیا:سکول بس کھائی میں جا گری، 17 طلبا ہلاک، 20 زخمی

کولمبیا کے شمالی علاقے میں ایک افسوسناک حادثے میں سکول بس کھائی میں جا گری، جس کے نتیجے میں 17 طلبا جان بحق اور 20 زخمی ہو گئے۔

صوبہ انٹیوکیا کے گورنر آندریس جولیان نے واقعے کی تصدیق کی اور سوشل میڈیا پلیٹ فارم ایکس پر بتایا کہ بس کیریبین کے ساحلی شہر ٹولو سے میڈیلین جا رہی تھی۔ بس میں انٹیوکیانو ہائی سکول کے طلبہ سوار تھے، جو اسکول کے دورے کے بعد واپس لوٹ رہے تھے۔

گورنر کے مطابق طلبہ ساحل سمندر پر اپنی گریجویشن کی خوشی منا کر واپس آرہے تھے۔ انہوں نے کہا کہ دسمبر میں پیش آنے والا یہ سانحہ کمیونٹی کے لیے انتہائی تکلیف دہ ہے۔

حادثے کے فوری بعد امدادی کارروائیاں شروع کر دی گئیں اور زخمیوں کو قریبی ہسپتالوں میں منتقل کیا گیا۔