جرمنی کا افغان پناہ گزین پروگرام فوری طور پر ختم کرنے کا اعلان

جرمنی کی حکومت نے افغان پناہ گزین پروگرام فوری طور پر ختم کرنے کا اعلان کر دیا ہے۔ غیر ملکی میڈیا کے مطابق یہ فیصلہ افغان مہاجرین کی جانب سے جرائم میں ملوث ہونے اور سنگین سکیورٹی خطرات کے باعث کیا گیا۔

جرمن میڈیا کے مطابق اب جرمنی میں 640 افغان پناہ گزینوں کو داخلے کی اجازت دینے سے انکار کر دیا گیا ہے۔ جرمن وزارت داخلہ نے تصدیق کی ہے کہ جرمنی آنے کے منتظر افغان مہاجرین کے داخلے کے امکانات ختم ہو چکے ہیں۔

میڈیا رپورٹس میں بتایا گیا کہ افغان طالبان کی شدت پسندانہ پالیسیوں کی وجہ سے عالمی برادری افغانستان کے ساتھ سفارتی تعلقات محدود کرنے پر مجبور ہو گئی ہے۔ 2024 میں جرمنی نے 28 اور 2025 میں 81 مجرمانہ کارروائیوں میں ملوث افغان باشندوں کو ملک بدر کیا تھا۔

یہ اقدام جرمنی کی سکیورٹی حکمت عملی اور افغان مہاجرین کے حوالے سے سخت اقدامات کی پالیسی کی عکاسی کرتا ہے۔