بنگلادیش،پہلے ایئر چیف 95سال کی عمر میں چل بسے

بنگلادیش کے پہلے ایئر چیف اے کے خانداکر 95 سال کی عمر میں انتقال کر گئے۔

بنگلا دیشی میڈیا کے مطابق اے کے خانداکر بنگلا دیش ایئر فورس کے پہلے سربراہ تھے اور ہفتے کی صبح وفات پا گئے۔

اے کے خانداکر نے بھارت میں تربیت حاصل کی اور ایئر فورس کے آپریشنز کی نگرانی بھی کی۔ وہ بنگلا دیش ایئر فورس کے پہلے چیف بنے اور 2011 میں ملک کے اعلیٰ ترین سول ایوارڈ سے بھی نوازے گئے۔

ریٹائرمنٹ کے بعد اے کے خانداکر نے سیاست میں قدم رکھا اور 2008 کے عام انتخابات میں رکنِ پارلیمنٹ منتخب ہوئے۔ ان کی خدمات اور قیادت کو بنگلا دیش میں آج بھی یاد کیا جاتا ہے۔