اسرائیلی وزیرِ دفاع کا غزہ کبھی نہ چھوڑنے کا اعلان

تل ابیب: اسرائیلی وزیرِ دفاع یسرائیل کاٹز نے غزہ کبھی نہ چھوڑنے کا اعلان کر دیا۔

غیر ملکی خبر ایجنسی کے مطابق مقبوضہ مغربی کنارے میں تقریب سے خطاب کرتے ہوئے اسرائیلی وزیرِ دفاع نے کہا کہ ہم غزہ کے اندر تک موجود ہیں، کبھی غزہ نہیں چھوڑیں گے۔ان کا کہنا ہے کہ غزہ میں دفاع کے لیے ہیں تاکہ جو کچھ ہوا دوبارہ نہ ہو۔

اسرائیلی وزیرِ دفاع نے کہا کہ اسرائیل کے دفاع کے لیے اپنی قوت پر اعتماد رکھتے ہیں، مناسب وقت پر شمالی غزہ میں بھی شہری اور فوجی یونٹ تعمیر کریں گے۔

انہوں نے کہا کہ ہم وزرا ہیں، ہمیں یہ اقدامات سرکاری طور پر نافذ کرنے ہیں، اپنے دفاع کے لیے کسی دوسرے پر بھروسہ نہیں کر سکتے۔غیر ملکی خبر ایجنسی کے مطابق غزہ امن معاہدے کے تحت اسرائیلی فوج کو غزہ سے مکمل انخلا کرنا ہے۔