پاکستان انڈر 19 ٹیم تین ملکی سیریز اور ورلڈ کپ کے لیے زمبابوے روانہ

پاکستان انڈر 19 کرکٹ ٹیم دبئی کے راستے زمبابوے کے شہر ہرارے کے لیے روانہ ہو گئی ہے۔ ٹیم میں شامل تمام 15 کھلاڑی اور مینجمنٹ ممبران اسلام آباد سے دبئی پہنچے، جہاں سے اگلے مرحلے کے لیے ہرارے کی پرواز کریں گے۔

پاکستان انڈر 19 ٹیم زمبابوے میں شیڈول سہ ملکی سیریز میں حصہ لے گی، جس کے بعد آئی سی سی انڈر 19 ورلڈ کپ میں شرکت کرے گی۔ سہ ملکی سیریز میں افغانستان، زمبابوے اور پاکستان کی ٹیمیں مقابلہ کریں گی۔

 

پاکستان انڈر 19 ٹیم اسلام آباد سے دبئی کے لیے روانہ۔

سکواڈ میں شامل تمام 15 کھلاڑی اور مینجمنٹ براستہ دبئی ہرارے روانہ ہوگی۔

پاکستان انڈر 19 ٹیم زمبابوے میں تین ملکی سیریز اور آئی سی سی انڈر 19 ورلڈ کپ میں شرکت کرے گی۔ pic.twitter.com/IMyfHkPU0Q

— PCB Media (@TheRealPCBMedia) December 23, 2025

سیریز کا آغاز 25 دسمبر سے ہو رہا ہے، جس میں پاکستان کا پہلا میچ 27 دسمبر کو افغانستان کے خلاف کھیلا جائے گا۔ قومی انڈر 19 ٹیم 29 دسمبر کو زمبابوے، 2 جنوری کو افغانستان اور 4 جنوری کو زمبابوے کے خلاف میچ کھیلے گی، جبکہ ٹرائی نیشن سیریز کا فائنل 6 جنوری کو شیڈول ہے۔