بونا کہنے پر بھارتی کھلاڑی نے ٹیمبا باووما سے معافی مانگ لگی

ٹیسٹ سیریز کے دوران جنوبی افریقہ کے کپتان ٹیمبا باووما کو مبینہ طور پر "بونا” کہنے کے معاملے پر بھارتی کرکٹ ٹیم کے کھلاڑی جسپریت بمرا اور رشبھ پنت نے معافی مانگ لی ہے۔

واقعے کے بعد سوشل میڈیا پر کافی ہلچل دیکھی گئی، تاہم انٹرنیشنل کرکٹ کونسل (آئی سی سی) نے بھارتی کھلاڑیوں کے خلاف کوئی تادیبی کارروائی نہیں کی۔

ٹیمبا باووما نے بتایا کہ انہیں ابتدائی طور پر اندازہ تھا کہ بھارتی کھلاڑیوں نے اپنی زبان میں ان کے بارے میں کچھ کہا تھا، لیکن بعد میں دو سینئر کھلاڑی ان کے پاس آئے اور معافی مانگی۔

باووما کے مطابق جب انہیں معافی دی گئی تو وہ اصل معاملے سے مکمل طور پر واقف نہیں تھے، جس کے بعد انہوں نے اپنی ٹیم کے میڈیا منیجر سے تصدیق کی کہ معاملہ کس نوعیت کا تھا۔