ٹرمپ نے بیوٹی پارلر کی مالکن کو اہم عہدے پر تعینات کر دیا

واشنگٹن: امریکی صدر ڈونلڈ ٹرمپ نے بیوٹی پارلر کی چین چلانے والی وکیل مورا نامدار کو اہم سرکاری عہدے پر تعینات کر دیا ہے۔

مورا نامدار کو اسسٹنٹ سیکرٹری آف سٹیٹ برائے قونصلر امور کے طور پر مقرر کیا گیا ہے، جہاں وہ ویزا کی منظوری، سفری قوانین، پاسپورٹ جاری اور منسوخ کرنے جیسے اہم فیصلے کریں گی۔

مورا نامدار نہ صرف تجربہ کار وکیل ہیں بلکہ ٹیکساس میں اپنی بیوٹی پارلرز کی چین بھی چلاتی ہیں۔ وہ پہلے بھی صدر ٹرمپ کے پہلے دور میں عارضی طور پر اسی شعبے میں کام کر چکی ہیں۔

چند حلقوں نے ان کے نامزد ہونے پر حیرت کا اظہار کیا اور کہا کہ وہ بیوٹی بزنس بھی چلاتی ہیں، تاہم ان کے حامیوں کا کہنا ہے کہ وہ قانون دان بھی ہیں اور پہلے بھی اس شعبے کا تجربہ رکھتی ہیں۔