کرکٹر عماد وسیم کی اہلیہ سے راہیں جدا ہو گئیں

اسلام آباد: قومی کرکٹر عماد وسیم کی  اہلیہ کرن اشفاق سے راہیں جدا ہوگئیں۔ اس کی انہوں نے انسٹاگرام پوسٹ میں تصدیق کی ہے۔

عماد وسیم نے اپنی ہوسٹ میں کہا "کافی سوچ بچار کے بعد، اور گزشتہ چند سالوں کے دوران پیش آنے والے مسلسل تنازعات جنہیں حل نہیں کیا جا سکا، کی وجہ سے میں نے طلاق کے لیے فائل کر دیا ہے۔ میں خلوصِ دل سے ہر ایک سے درخواست کرتا ہوں کہ ہماری پرائیویسی (نجی زندگی) کا احترام کریں اور پرانی جوڑے والی تصاویر استعمال کرنے یا شیئر کرنے سے گریز کریں۔ براہِ کرم آئندہ انہیں میری شریک حیات کے طور پر مخاطب کرنے سے بھی گریز کریں۔”

انہوں نے کہا "میں ہر ایک سے درخواست کرتا ہوں کہ کسی بھی گمراہ کن بیانیے میں نہ پڑیں اور نہ ہی ان پر یقین کریں۔ اس ذاتی معاملے میں کسی کو بدنام کرنے یا دوسروں کو شامل کرنے کی کسی بھی کوشش سے، ضرورت پڑنے پر، مناسب قانونی ذرائع سے نمٹا جائے گا۔”

عماد وسیم نے واضح کیا”جہاں تک بچوں کا تعلق ہے، میں ان کا والد رہوں گا اور پوری طرح اور ذمے داری سے ان کا خیال رکھتا رہوں گا۔”عماد وسیم اور ثانیہ اشفاق 2019 میں رشتہ ازدواج میں منسلک ہوئے تھے۔ اس جوڑے کے تین بچے ہیں۔

آل راؤنڈر، جنہوں نے دسمبر 2024 میں بین الاقوامی کرکٹ سے ریٹائرمنٹ لی تھی، اس وقت بنگلہ دیش پریمیئر لیگ (BPL) میں کھیل رہے ہیں۔”