انڈر 19 سہ ملکی سیریز: پاکستان اور زمبابوے کا میچ بارش کی نذر

ہرارے: انڈر 19 سہ ملکی سیریز کے تیسرے میچ میں پاکستان نے زمبابوے کو جیت کے لیے 355 رنز کا ہدف دے دیا۔

ہرارے: (دنیا نیوز) انڈر 19 سہ ملکی سیریز کے تیسرے میچ کو بارش کے باعث بغیر نتیجہ ختم کردیا گیا۔

ہرارے اسپورٹس کمپلیکس میں کھیلے جارہے میچ میں زمبابوے نے ٹاس جیت کر پاکستان کو پہلے بیٹنگ کرنے کی دعوت دی، پہلے بیٹنگ کرتے ہوئے پاکستان میں مقررہ 50 اوورز میں 7 وکٹوں کے نقصان پر 354 رنز بنائے۔

پاکستان کی جانب سے سمیر منہاس نے 142 اور عثمان خان نے 121 رنز کی شاندار اننگز کھیلی، حذیفہ احسن نے 54 رنز بنائے۔

زمبابوے کی جانب سے کربی مدھارامیتے نے 3، پناشی مزئی نے 2 بینی زوزی اور دھروو پٹیل نے ایک ایک وکٹ حاصل کی۔

بارش کے باعث زمبابوے کی ٹیم ہدف کے تعاقب میں بیٹنگ کا آغاز نہ کرسکی جس کے باعث میچ کو بغیر نتیجہ ختم کرکے دونوں ٹیموں کو ایک ایک پوائنٹ دے دیا گیا۔