امریکا: ایک غلطی نے خاتون کولاکھوں ڈالر جتوا دیے

امریکی خاتون کو ایک غلطی نے ڈھائی لاکھ ڈالر کا جیک پاٹ جتوایا۔

امریکی ریاست اِلینوائے کے شہر جانسن سٹی سے تعلق رکھنے والی خاتون ہولی نے بتایا کہ انہیں ویب سائٹ سے دو ڈالر کا فاسٹ پلے ٹکٹ خریدنا تھا، لیکن انہوں نے حادثاتی طور پر 20 ڈالر کا میگنیفیسنٹ ملٹی پلائر ٹکٹ خرید لیا۔

ہولی نے بتایا کہ وہ فلم دیکھ رہی تھیں اور اسی دوران انہوں نے یہ ٹکٹ خرید لیا۔

حادثاتی طور پر خریدے گئے اس ٹکٹ سے ہولی نے 2 لاکھ 50 ہزار ڈالر کا جیک پاٹ جیتا۔

انہوں نے کہا کہ جب انہوں نے نتائج چیک کیے تو انہیں یقین نہیں آیا کہ وہ واقعی انعام جیت چکی ہیں۔