جاپان کے خطے جوگوکو میں 6.2 شدت کا زلزلہ

جاپان کے خطے جوگوکو میں 6.2 شدت کا زلزلہ ریکارڈ کیا گیا ہے۔ غیرملکی میڈیا کے مطابق زلزلے کا مرکز صوبہ شیمانے کے مشرقی علاقے میں تھا، جس کے بعد کئی شدید آفٹر شاکس بھی محسوس کیے گئے۔

جاپانی حکام نے تصدیق کی کہ زلزلے کے بعد سونامی کا کوئی خطرہ نہیں ہے۔ محکمہ موسمیات کے مطابق زلزلے کی شدت جاپان کے 1 سے 7 کے زلزلہ پیمانے پر بالائی درجے کی پانچ رہی۔

زلزلے کے اثرات کی وجہ سے جاپان ریلوے نے اوساكا اور ہاکاتا کے درمیان بُلٹ ٹرین سروس عارضی طور پر معطل کر دی ہے۔