جے این یو میں طلبہ کی مودی اور امیت شاہ کے خلاف نعرے بازی

نئی دہلی: بھارتی دارالحکومت کی جواہر لعل نہرو یونیورسٹی میں طلبہ نے وزیراعظم نریندر مودی اور وزیر داخلہ امیت شاہ کے خلاف نعرے بازی کی۔

بھارتی میڈیا کے مطابق یونیورسٹی انتظامیہ نے اس واقعے کو کیمپس کی ہم آہنگی اور سیکیورٹی کے لیے خطرہ قرار دیتے ہوئے دہلی پولیس کو خط لکھ کر ایف آئی آر درج کرنے کی درخواست کی۔ انتظامیہ کا کہنا تھا کہ نعرے جمہوری اختلاف کی حد سے تجاوز کرتے ہیں اور یونیورسٹی کے ماحول کے لیے نقصان دہ ہیں۔

واضح رہے کہ جواہر لعل نہرو یونیورسٹی کے طلبہ رہنما عمر خالد اور شرجیل امام کو 2020 کے دہلی فسادات کے بعد گرفتار کیا گیا تھا۔ دونوں رہنما گزشتہ پانچ سال سے بغیر مقدمے کے جیل میں ہیں اور ان کی ضمانت کی درخواستیں سپریم کورٹ نے مسترد کر دی ہیں۔