نیتن یاہو کیخلاف مقدمے کی سماعت کرنے والا جج ہلاک

تل ابیب: اسرائیلی وزیراعظم نیتن یاہو کے خلاف کرپشن کیس کی سماعت کرنے والے جج بینی ساگی ایک حادثے میں ہلاک ہوگئے۔ جج ساگی طویل عرصے سے نیتن یاہو کے خلاف بدعنوانی کے مقدمات کی سماعت کر رہے تھے۔

ٹائمز آف اسرائیل کے مطابق حادثہ روٹ 6 پر پیش آیا، جب جج ساگی موٹر سائیکل پر سفر کر رہے تھے اور ایک گاڑی سے ٹکرا گئے۔ پولیس کے مطابق یہ گاڑی آف روڈ سے اچانک ہائی وے پر آگئی، جس کے نتیجے میں ٹکر ہوئی۔ یہ واقعہ چار جنوری کو بیرشیبہ ڈسٹرکٹ میں ہوا۔

حادثے کے فوری بعد میڈیکل ٹیم اور پیرامیڈکس موقع پر پہنچے، اور اسرائیلی ایمرجنسی ہسپتال میگن ڈیوڈ ایڈوم نے واقعے کو حیران کن قرار دیا۔ جج ساگی کی موت کے بعد نیتن یاہو کے خلاف زیر سماعت مقدمات میں ممکنہ تاخیر کا خدشہ ظاہر کیا گیا ہے۔

اسرائیلی حکام نے حادثے کی تحقیقات شروع کر دی ہیں تاکہ وجوہات کا تعین کیا جا سکے۔ سیاسی اور قانونی حلقوں میں جج کے انتقال کے بعد تشویش بڑھ گئی ہے۔