امریکا : چرچ کے باہر فائرنگ ،2 افراد ہلاک ،3کی حالت نازک

امریکی ریاست یوٹاہ میں چرچ کے باہر فائرنگ 2 افراد ہلاک، کئی زخمی جبکہ زخمیوں میں سے  3کی حالت تشویشناک ہے ۔

امریکی  ریاست  یوٹاہ کے دارالحکومت  سالٹ لیک  سٹی میں  چرچ  کے باہر  فائرنگ سے 2 افراد موت کے منہ میں چلے گئے۔پولیس کی جانب سے بتایا گیا ہے کہ یہ واقعہ بدھ کی شام کو چرچ آف جیسس کرائسٹ آف لیٹر ڈے سینٹس چیپل میں  پیش آیا جہاں ایک شخص کی آخری رسومات ادا کی جارہی تھیں۔

فائرنگ کے نتیجے میں 2 افراد ہلاک اور 6 افراد زخمی ہوئے ہیں جن میں سے 3 کی حالت تشویشناک بتائی جارہی ہے۔ اطلاع ملتے ہی پولیس موقع پر پہنچ گئی اور چرچ کو اپنی تحویل میں لے لیا۔

پولیس کے مطابق واقعے میں ملوث افراد کو جلد قانون کی گرفت میں لایا جائے گا۔