ایشز سیریز کے آخری ٹیسٹ میں بھی آسٹریلیا نے انگلینڈ کو شکست دے دی

سڈنی: ایشزسیریز کے پانچویں اور آخری ٹیسٹ میچ میں آسٹریلیا نے انگلینڈ کو شکست دے دی۔

آسٹریلیا نے آخری ٹیسٹ میچ میں 160 رنز کا ہدف 5 وکٹوں کے نقصان پر حاصل کرلیا، میچ کے پانچویں روز آسٹریلیا کی جانب سے مارنوس لبوشین نے 37 جبکہ جیک ویدرالڈ نے 34 رنز بنائے۔

انگلینڈ کی جانب سے جوش ٹنگ نے تین وکٹیں حاصل کیں۔

قبل ازیں انگلش ٹیم اپنی دوسری اننگز میں 342 رنز بنا کر آؤٹ ہوگئی تھی، جیکب بیتھل 154، بین ڈک اور ہیروک بروک 42،42 رنز بنا سکے تھے، آسٹریلیا کے مچل سٹارک اور ویبسٹر نے 3، 3 کھلاڑیوں کو پویلین کی راہ دکھائی تھی۔

آخری ٹیسٹ میں انگلینڈ کو شکست دے کر آسٹریلیا نے 5 میچز کی سیریز 1-4 سے اپنے نام کر لی ہے۔

یاد رہے کہ ایشز سیریز میں آسٹریلیا نے ابتدائی 3 میچز جیت کر سیریز اپنے نام کر لی تھی تاہم چوتھے میچ انگلینڈ نے کامیابی حاصل کی تھی۔