ٹرمپ کا وینزویلا پر متوقع دوسرا فوجی حملہ منسوخ کرنے کا اعلان

واشنگٹن : امریکی صدر ڈونلڈ ٹرمپ نے وینزویلا پر متوقع دوسری فوجی حملے کی لہر کو منسوخ کرنے کا اعلان کر دیا۔

امریکی صدر نے کہا کہ وینزویلا کی جانب سے تعاون کے بعد انہوں نے جنوبی امریکی ملک پر متوقع حملوں کی دوسری لہر منسوخ کر دی ہے۔

صدر ٹرمپ کے مطابق امریکا اور وینزویلا کے درمیان معاملات بہتر انداز میں آگے بڑھ رہے ہیں۔

انہوں نے مزید کہا کہ تیل کی بڑی کمپنیوں کی جانب سے وینزویلا میں تقریباً 100 ارب ڈالر کی سرمایہ کاری کا منصوبہ بھی ہے، جن سے وہ آج وائٹ ہاؤس میں ملاقات کریں گے۔

تاہم صدر ٹرمپ نے یہ بھی واضح کیا کہ وینزویلا میں موجود تمام آئل ٹینکرز حفاظتی اور سیکیورٹی مقاصد کے تحت اپنی جگہ پر ہی رہیں گے۔