فسادی املاک کو نقصان پہنچا کر ٹرمپ کو خوش کرنا چاہتے ہیں ، آیت اللّٰہ خامنہ ای

خامنہ ای نے اپنے خطاب میں مزید کہا کہ ’گزشتہ شب تہران میں چند تخریب کار آئے۔ کچھ فسادی عوامی املاک کو نقصان پہنچا کرٹرمپ کوخوش کرنا چاہتے ہیں، امریکی صدر ڈونلڈ ٹرمپ اپنے ملک کے مسائل پر توجہ دیں۔‘

انھوں نے کہا کہ ’امریکہ کا کہنا ہے کہ اگر حکومت نے اپنا رویہ جاری رکھا تو ہم مظاہرین کا ساتھ دیں گے۔ لیکن امریکہ خود اپنے مسائل حل کرنے میں ناکام ہے۔ اس کے ہاتھ ہزاروں ایرانیوں کے خون سے رنگین ہیں۔‘

رہبرِ اعلیٰ نے مزید کہا کہ ’ٹرمپ کو خوش کرنے کے لیے آگ لگائی جا رہی ہے۔ سب جان لیں کہ اسلامی جمہوریہ ایران ہزاروں جانوں کی قربانی کے بعد قائم ہوا اوریہ تخریب کاروں کے سامنے جھکنے والا نہیں۔‘