پاک بحریہ کا ایل وائی 80 زمین سے فضا میں مار کرنے والے میزائل کا کامیاب تجربہ

پاک بحریہ نے شمالی بحیرۂ عرب میں ایک جامع بحری مشق کا انعقاد کیا، جس کے دوران زمین سے فضا میں مار کرنے والے جدید ایل وائی 80 این میزائل کا کامیاب تجربہ کیا گیا۔

آئی ایس پی آر کے مطابق مشق کے دوران پاک بحریہ نے جدید اور بغیر پائلٹ نظاموں کے ذریعے اپنی جنگی صلاحیتوں کا عملی مظاہرہ کیا۔ ایل وائی 80 این میزائل نے طویل فاصلے پر موجود فضائی ہدف کو کامیابی سے نشانہ بنایا۔

 

🚨#ISPR Surface to Air Missile
Rawalpindi, 10 January, 2026#Pakistan Navy demonstrated its operational readiness and combat preparedness through a comprehensive exercise in the North Arabian Sea, showcasing both conventional and unmanned capabilities, as per dictates of… pic.twitter.com/1xc9ghjpaT

— Pakistan Armed Forces News 🇵🇰 (@PakistanFauj) January 10, 2026

مشق میں لوئٹرنگ میونیشن کے ذریعے سطحی اہداف کو مؤثر انداز میں تباہ کیا گیا، جبکہ بغیر پائلٹ سطحی جہاز (یو ایس وی) کے اوپن سی ٹرائلز بھی کامیابی سے مکمل کیے گئے۔

یو ایس وی نے تیز رفتار، بہتر کنٹرول اور سخت موسمی حالات میں بہترین کارکردگی کا مظاہرہ کیا۔

کمانڈر پاکستان فلیٹ نے بحری مشق کا مشاہدہ کیا، جبکہ امیر البحر ایڈمرل نوید اشرف نے افسران اور جوانوں کی پیشہ ورانہ مہارت کو سراہتے ہوئے کہا کہ پاک بحریہ ملکی سمندری حدود کے دفاع کے لیے ہر وقت مکمل طور پر تیار ہے۔