مانچسٹر میں ٹریفک حادثہ: تین پاکستانی نوجوانوں سمیت چار افراد جاں بحق

مانچسٹر، برطانیہ: برطانوی شہر مانچسٹر میں ٹیکسی اور کار کے درمیان ہونے والے شدید ٹریفک حادثے میں چار افراد جاں بحق اور پانچ زخمی ہو گئے۔ جاں بحق افراد میں تین پاکستانی نوجوان بھی شامل ہیں، جن کی شناخت دانیال علی، محمد مختار اور فرحان پٹیل کے نام سے ہوئی ہے۔

حادثے میں ٹیکسی ڈرائیور، 50 سالہ مسروب علی بھی جانبر نہ ہو سکا۔ واقعے کے فوراً بعد امدادی ٹیمیں موقع پر پہنچیں اور زخمیوں کو قریبی ہسپتال منتقل کر کے طبی امداد فراہم کی گئی۔

پولیس حکام نے کہا کہ حادثے کی وجوہات معلوم کرنے کے لیے تحقیقات جاری ہیں اور مختلف پہلوؤں سے واقعے کا جائزہ لیا جا رہا ہے۔ تاحال یہ واضح نہیں ہو سکا کہ حادثہ تیز رفتاری، لاپرواہی یا کسی اور وجہ سے پیش آیا۔

اس حادثے پر مقامی پاکستانی کمیونٹی میں گہرے رنج و غم کی فضا پائی جاتی ہے۔