پاک آسٹریلیا ٹی ٹونٹی سیریز کا شیڈول سامنے آگیا

لاہور:پاکستان کرکٹ بورڈ (پی سی بی) نے جنوری کے آخر میں آسٹریلیا کے دورہ پاکستان کی تصدیق کر دی ہے۔ دونوں ٹیموں کے درمیان تین ٹی ٹونٹی میچز قذافی اسٹیڈیم لاہور میں کھیلے جائیں گے۔

سیریز کا آغاز 29 جنوری سے ہوگا، جبکہ دیگر میچز 31 جنوری اور یکم فروری کو ہوں گے۔ تینوں میچز میں ٹاس شام 5:30 بجے ہوگا اور میچز کا آغاز شام 6 بجے ہوگا۔

آسٹریلوی ٹی ٹونٹی اسکواڈ 28 جنوری کو لاہور پہنچے گا۔ یہ سیریز آئندہ ماہ ہونے والے آئی سی سی مینز ٹی ٹونٹی ورلڈ کپ 2026 سے قبل دونوں ٹیموں کے لیے انتہائی اہمیت کی حامل ہے۔

پاکستان اس ورلڈ کپ میں گروپ اے میں جبکہ آسٹریلیا گروپ بی میں شامل ہے۔ یاد رہے کہ یہ آسٹریلیا کا مارچ 2022 کے بعد پاکستان کا تیسرا دورہ ہے۔ 2022 میں آسٹریلیا نے پاکستان میں ایک ٹیسٹ سیریز، تین ون ڈے اور ایک ٹی ٹونٹی میچ کھیل چکا ہے۔