افریقہ کپ دوسری بار سیینیگال کے نام۔ مراکش کو ایک صفرسے شکست

افریقہ کپ آف نیشنز کے فائنل میں سینیگال نے میدان مارلیا۔مراکشی مڈفیلڈرپاپے گوئے کے گول نے انہیں ایک متنازع پنالٹی ایوارڈ کے بعد اضافی وقت میں 1-0 سے جیت دلادی۔

94ویں منٹ میںپاپے گوئے نے گول کیا، اور مراکش کے اسٹار کھلاڑی براہیم ڈیاز نے معمول کے وقت میں آخری پنالٹی کو ضائع کرکے ہوم سائیڈ کے لیے جیتنے کا موقع کھودیا۔

ریفری ژاں جیکس نڈالا کی طرف سے وی اے آر کی جانچ پڑتال کے بعد پینالٹی دی گئی جب ڈیاز کو سینیگال کے فل بیک ایل ہدجی ملک ڈیوف نے کارنر کِک روکنے کے وقت میں گراؤنڈ پر دھکیل کرگرادیا ۔

سینیگال کے کئی کھلاڑی میدان سے چلے گئے اور ان کے حامیوں میں جھڑپیں شروع ہو گئیں جب مراکش کو مقررہ وقت کے اختتام پر انجری ٹائم میں اسپاٹ کِک دی گئی۔
تقریباً 20 منٹ کی تاخیر کے بعد کھیل دوبارہ شروع ہوا لیکن براہیم ڈیاز کی پنالٹی کو بچا لیا گیا، ڈیاز نے ناقابل فہم طور پر پنینکا اسٹائل چپ آزمائی، اور اس کی سست رو کوشش سینیگال کے گول کیپر ایڈورڈ مینڈی کے بازوؤں میں چلی گئی۔

فائنل کو اضافی وقت میں لے جایا گیا ۔ چوتھے منٹ میں سینیگال نے پرنس مولائے عبد اللہ اسٹیڈیم میں66 ہزارشائقین کو دنگ کردیا۔جہاں گیوئے نے گول کر کے دوسری بار براعظمی ٹائٹل اپنے نام کر لیا۔گزشتہ تین ایڈیشنز میں یہ اس کا دوسرا کپ آف نیشنز ٹائٹل ہے، جب اس نے 2022 میںمصر کو پنالٹیز پر شکست دے کر اپنی تاریخ میں پہلی بار ٹرافی جیتی۔