جاپان کی وزیرِاعظم کا بل از وقت انتخابات کا اعلان

ٹوکیو: جاپان کی وزیرِاعظم سانائے تکائچی نے اعلان کیا ہے کہ وہ جمعے کو پارلیمان تحلیل کر دیں گی، جس کے بعد 8 فروری کو قبل از وقت انتخابات ہوں گے۔ ان کا کہنا ہے کہ یہ فیصلہ عوامی حمایت کو پارلیمانی اکثریت میں بدلنے کی کوشش ہے۔

سانائے تکائچی نے ٹوکیو میں نیوز کانفرنس کے دوران کہا کہ یہ ایک ’انتہائی اہم فیصلہ ہے جو’عوام کے ساتھ مل کر جاپان کی سمت کا تعین کرے گا۔

جاپان کی پہلی خاتون وزیرِاعظم اور ان کی کابینہ کو گذشتہ اکتوبر میں اقتدار سنبھالنے کے بعد سے عوامی سطح پر بھرپور حمایت حاصل ہے۔ تاہم ان کی جماعت لبرل ڈیموکریٹک پارٹی، ایل ڈی پی، رائے عامہ کے سروے میں پیچھے ہے اور یہ قدم ایک بڑا سیاسی خطرہ بھی ہے۔ یہ جاپان میں دو برسوں میں دوسرا عام انتخاب ہوگا۔