پی ایس ایل 11:لوکل کھلاڑیوں کی نئی ممکنہ کیٹگریز کی فہرست سامنے آگئی

 پی ایس ایل 11 کے پلیئرز ایکشن سے قبل لوکل کھلاڑیوں کی ممکنہ نئی کیٹگریز کی فہرست سامنے آ گئی ہے۔ ذرائع کے مطابق اسلام آباد یونائیٹڈ کے شاداب خان، عماد وسیم اور نسیم شاہ پلاٹینم کٹیگری میں برقرار ہیں، جبکہ صاحبزادہ فرحان گولڈ میں شامل ہیں۔ سلمان علی آغا اور محمد نواز ڈائمنڈ سے پلاٹینم میں آ گئے ہیں۔ وکٹ کیپر بیٹر اعظم خان ڈائمنڈ سے گولڈ میں منتقل ہوئے ہیں۔

کراچی کنگز کے حسن علی ڈائمنڈ سے پلاٹینم میں آ گئے ہیں، عباس آفریدی پلاٹینم سے ڈائمنڈ میں منتقل ہوئے ہیں، جبکہ خوشدل شاہ اور عامر جمال ڈائمنڈ سے گولڈ میں جا چکے ہیں۔ عرفات منہاس گولڈ سے سلور میں چلے گئے ہیں، اور شان مسعود ڈائمنڈ میں برقرار ہیں۔ لاہور قلندرز کے شاہین آفریدی، فخر زمان اور حارث روف پلاٹینم میں برقرار ہیں، سلمان مرزا گولڈ سے ڈائمنڈ میں آ گئے ہیں، اور محمد نعیم ایمرجنگ سے سلور میں گئے ہیں۔

پشاور زلمی کے بابر اعظم اور صائم ایوب پلاٹینم میں برقرار ہیں، جبکہ محمد حارث اور محمد علی ڈائمنڈ سے گولڈ میں منتقل ہوئے ہیں۔ ملتان سلطانز کے محمد رضوان پلاٹینم میں برقرار ہیں، اسامہ میر اور افتخار احمد پلاٹینم سے ڈائمنڈ میں جا چکے ہیں۔ محمد حسنین ڈائمنڈ سے گولڈ میں گئے ہیں، اور عاکف جاوید سلور سے گولڈ میں منتقل ہوئے ہیں۔

کوئٹہ گلیڈی ایٹرز کے فہیم اشرف اور محمد عامر پلاٹینم میں برقرار ہیں، ابرار احمد ڈائمنڈ سے پلاٹینم میں آ گئے ہیں، وسیم جونیئر گولڈ سے ڈائمنڈ میں منتقل ہوئے ہیں، عثمان طارق سلور سے ڈائمنڈ میں آ گئے ہیں، جبکہ خواجہ نافع سلور اور حسن نواز ایمرجنگ سے گولڈ میں شامل ہو گئے ہیں۔

یہ تبدیلیاں پلیئرز کی کارکردگی اور ٹیم کی ضروریات کے پیش نظر کی گئی ہیں اور آئندہ پی ایس ایل 11 کے میچز میں اثرانداز ہوں گی۔