انڈر-19 ورلڈ کپ ، پاکستان نے زمبابوے کو باآسانی شکست دے دی

ہرارے: انڈر-19 ورلڈ کپ کے گروپ سی کے 19ویں میچ میں پاکستان کے زیر 19 کرکٹ ٹیم نے زمبابوے کو 8 وکٹوں سے شکست دیکر سپرسکس مرحلے کے لئے کوالیفائی کرلیا۔ہرا رے میں کھیلے گئے میچ میں میزبان ٹیم نے مقررہ 50 اوورز میں 128 رنز بنائے، جس کا تعاقب کرتے ہوئے پاکستان نے محض 26.2 اوورز میں 132 رنز بنا کر میچ جیت لیا۔

پاکستان کی فتح میں سمیر منہاس نے 74 رنز ناقابلِ شکست اننگز کھیل کرسب سے بڑا کردارادا کیا اور انہیں میچ کا بہترین کھلاڑی قرار دیا گیا۔زمبابوے کی ٹیم کی جانب سے نیتھنئیل ہلابانگانا سب سے زیادہ 59 رنز بنا سکے جبکہ دیگر کھلاڑی زیادہ دیر تک قائم نہ رہ سکے۔علی رضا نے 3 وکٹیں حاصل کیں، جبکہ محمد صیام اور سبحان نے 2،2 وکٹیں حاصل کر کے پاکستان کی جیت میں اہم کردارادا کیا۔

پاکستان کی بیٹنگ لائن میں سیمیر منہاس نے جارحانہ انداز اپناتے ہوئے ٹیم کو جلد کامیابی دلائی، عثمان خان نے 26 رنز بنا کر اننگز کو مستحکم کیا، جبکہ احمد حسین نے 24 رنز ناقابل شکست اننگز کھیل کر ٹیم کو جیت دلائی۔یہ فتح پاکستان کے لیے گروپ میں اہم ثابت ہوگی اور نوجوان کھلاڑیوں نے اپنی صلاحیتوں کا بھرپور مظاہرہ کیا۔میچ کے دوران پاکستانی ٹیم کی باولنگ اور فیلڈنگ بھی نمایاں رہی، جس سے زمبابوے کے کھلاڑیوں کو اپنے مقررہ ہدف تک پہنچنے میں مشکلات کا سامنا کرنا پڑا۔

آج کھیلے جانے والے دیگر میچز میں آئرلینڈ نے جاپان نے  جبکہ ویسٹ انڈیز نے جنوبی افریقا کو ہرا دیا۔