پاکستان کو مطلوب افراد کی حوالگی کا معاملہ قانون کے مطابق دیکھا جا رہا ہے،برطانیہ

لندن: برطانیہ کے انڈر سیکرٹری آف اسٹیٹ برائے مشرق وسطیٰ ہمیش فالکنر نے کہا ہے کہ پاکستان کو مطلوب افراد کی حوالگی کا معاملہ قانون کے مطابق دیکھا جا رہا ہے۔

میڈیا سے گفتگو میں ہمیش فالکنر نے بتایا کہ برطانیہ کو اس حوالے سے شواہد موصول ہو چکے ہیں اور پاکستان کو مطلوب افراد کی حوالگی کا فیصلہ غیر جانبدار پولیس تحقیقات کے بعد کیا جائے گا۔

انہوں نے مزید کہا کہ پاکستان اور برطانیہ کے تعلقات قریبی اور شراکت داری پر مبنی ہیں۔ ہمیش فالکنر نے کہا کہ انہیں پاکستان سے ذاتی وابستگی ہے اور ان کا سفارتی کریئر بھی پاکستان سے شروع ہوا۔