آسٹریلیا نے اسلام مخالف بیانات دینے والے اسرائیلی کا ویزا منسوخ

آسٹریلیا نے اسلام مخالف بیانات دینے والے اسرائیلی انفلوئنسر سیمی یاہود کا ویزا منسوخ کر دیا ہے۔ غیر ملکی میڈیا کے مطابق حکومت نے کہا ہے کہ وہ نفرت پھیلانے والے مہمانوں کو قبول نہیں کرے گی۔

اسرائیلی انفلوئنسر نے سوشل میڈیا پر غصے کا اظہار کرتے ہوئے اسلام کو نفرت انگیز نظریہ قرار دیا۔ ان کا ویزا اسرائیل سے روانہ ہونے سے صرف تین گھنٹے قبل منسوخ کیا گیا۔

وزیر داخلہ ٹونی برک نے کہا کہ جو لوگ آسٹریلیا جانا چاہتے ہیں وہ صحیح ویزا کے لیے درخواست دیں اور درست وجوہات کے تحت آئیں، نفرت پھیلانا کسی بھی صورت میں قابل قبول نہیں ہے۔

میڈیا رپورٹس کے مطابق گزشتہ سال 14 دسمبر کو سڈنی کے بونڈی بیچ پر ہنوکا کی تقریب کے دوران فائرنگ کے واقعے میں 15 افراد ہلاک ہوئے تھے، جس کے فوری بعد آسٹریلیا نے نفرت انگیز جرائم کے قوانین کو سخت کر دیا تھا۔