پہلا ٹی ٹوئنٹی:پاکستان کا آسٹریلیا کے خلاف ٹاس جیت کر بیٹنگ کا فیصلہ

 

لاہور: پاکستان اور آسٹریلیا کے درمیان پہلے ٹی ٹوئنٹی میچ میں پاکستان نے ٹاس جیت کر پہلے بیٹنگ کرنے کا فیصلہ کیا ہے۔

مہمان ٹیم کی قیادت ٹریوس ہیڈ کر رہے ہیں جبکہ آسٹریلیا کے اہم کھلاڑی جوش انگلس، مچل مارش اور مارکس اسٹوائینس اس میچ میں دستیاب نہیں ہیں۔ میچ میں ماہلی بئیرڈ مین، جیک ایڈورڈز اور میتھیو رنشا ٹی ٹوئنٹی ڈیبیو کر رہے ہیں۔

پاکستان کی پلئنگ الیون میں صائم ایوب، صاحبزادہ فرحان، سلمان علی آغا، بابر اعظم، فخر زمان، عثمان خان، شاداب خان اور محمد نواز شامل ہیں۔ علاوہ ازیں شاہین آفریدی، سلمان مرزا اور ابرار احمد بھی ٹیم کا حصہ ہیں۔

سیریز کے باقی میچز 31 جنوری اور یکم فروری کو شیڈول ہیں اور تمام میچز کا آغاز شام 4 بجے ہو گا۔