ہسپانوی الکاریزکی آسٹریلین اوپن میں جوکووچ پرتاریخی فتح

 

اسپین کے کارلوس الکاریز نے پہلی مرتبہ آسٹریلین اوپن مینز ٹائٹل جیت کرجوکووچ کا 25 واں میگا ٹائٹل جیتنے کا خواب چکناچور کردیا۔وہ 22 سال کی عمر میں7 گرینڈ سلیم ٹائٹل جیتنے والے پہلے کھلاڑی بن گئے۔

 

میلبورن کے فائنل میں جوکووچ کے لیے یہ پہلی شکست تھی ،قبل ازیں انہوں نے پہلے تمام 10 ٹائٹل جیت لیے تھے۔

فائنل مقابلے میں الکاریز نے 10 بارکے چیمپئن سربین اسٹار نوواک جوکووچ کو چار سیٹ کے مقابلے میں شکست دی۔الکاریز میچ کا پہلا سیٹ 6-2 سے ہارے، تاہم شاندار کم بیک کرتے ہوئے 2-6، 3-6 اور 5-7 کے مارجن سے اگلے تینوں سیٹ جیت کر ٹائٹل کے حق دار ٹھہرے۔

عالمی نمبر ایک نے بعد میں اعتراف کیا کہ جب وہ ٹائٹل کے لیے لان میں اترے تو ان کی ٹانگیں کانپ رہی تھیں، ایسا لگتا تھا کہ حریف کو پورے مقابلے پر بالادستی حاصل رہی کیونکہ میچ تین گھنٹے اور دو منٹ کے بعد ختم ہوا۔

ٹاپ سیڈ کے پاس اب2فرنچ اوپن، 2ومبلڈن اور2 یو ایس اوپن ٹائٹل کے بعد آسٹریلین اوپن ٹرافی بھی ہے، جس سے وہ 7 بڑے ٹورنامنٹ جیتنے والے سب سے کم عمر کھلاڑی ہیں۔

سربیا سے تعلق رکھنے والے اور آسٹریلیااوپن میں 10 بار فاتح38 سالہ جوکووچ نے2 بلاکس میںتیز رفتاری سے کامیابی حاصل کی اور ابتدائی سیٹ میںحریف کوپچھاڑ دیا۔لیکن الکاراز نے رفتار، طاقت اور چالاکی کا مظاہرہ کرتے ہوئے اگلاسیٹ جیت لیا۔

کیرئیر سلیم کا ریکارڈ توڑنے میں، الکاراز نے اپنے آئیڈیل اور ہم وطن رافیل نڈال کو پیچھے چھوڑ دیا جو اسٹینڈز میں موجودتھے اور جب انہوں نے یہ اعزازحاصل کیا تھاتب وہ 2سال بڑے تھے۔