قومی کرکٹ ٹیم ٹی 20 ورلڈ کپ کے لیے سری لنکا روانہ

 

آئی سی سی مینز ٹی 20 ورلڈ کپ میں شرکت کے لیے پاکستان کرکٹ ٹیم لاہور سے سری لنکا کے لیے روانہ ہو گئی ہے۔ قومی کھلاڑی سری لنکا پہنچنے کے بعد ابتدائی دو روز مکمل آرام کریں گے تاکہ ایونٹ سے قبل خود کو بہتر طور پر تیار کر سکیں۔

پاکستان ٹیم اپنا پہلا وارم اپ میچ 4 فروری کو آئرلینڈ کے خلاف کھیلے گی، جس کے ذریعے کھلاڑی میچ کنڈیشنز سے ہم آہنگ ہوں گے۔

15 رکنی قومی سکواڈ کی قیادت سلمان علی آغا کر رہے ہیں۔ ٹیم میں ابرار احمد، بابر اعظم، فہیم اشرف، فخر زمان، خواجہ محمد نافع، محمد نواز، محمد سلمان مرزا، نسیم شاہ، صاحبزادہ فرحان، صائم ایوب، شاداب خان، شاہین شاہ آفریدی، عثمان خان اور عثمان طارق شامل ہیں۔

قومی ٹیم انتظامیہ اور شائقین کو ٹی 20 ورلڈ کپ میں پاکستان کی عمدہ کارکردگی کی امید ہے۔