خدا نے یہ زمین اسرائیلیوں کو دی، پورے خطے پر قبضہ حق ہے:امریکی سفیر

مائیک ہکابی  نے اپنے بیان میں کہا کہ ان کے عقیدے کے مطابق یہ زمین اسرائیلیوں کو دی گئی ہے۔ سفیر کا کہنا تھا کہ اگر اسرائیل دریائے نیل سے دریائے فرات تک کے علاقوں پر کنٹرول حاصل کر لے تو وہ اسے قابلِ قبول سمجھتے ہیں۔

سفیر نے مزید کہا کہ اگر اسرائیل لبنان، شام یا اردن جیسے ممالک کے علاقوں پر کنٹرول حاصل کرے تو بھی انہیں اس پر اعتراض نہیں ہوگا۔

دریائے نیل سے دریائے فرات تک کا تصور بعض حلقوں میں ایک جغرافیائی اصطلاح کے طور پر جانا جاتا ہے، جسے بعض افراد “گریٹر اسرائیل” کے نظریے سے جوڑتے ہیں۔ اس تصور میں لبنان سے لے کر سعودی عرب کے صحرائی علاقوں اور بحیرۂ روم سے عراق تک کے خطے کو شامل کیا جاتا ہے۔ تاہم یہ مؤقف خطے میں خاصا متنازع سمجھا جاتا ہے اور مختلف ممالک اور حلقوں کی جانب سے اس پر تنقید بھی کی جاتی رہی ہے۔

یاد رہے کہ ڈونلڈ ٹرمپ نے گزشتہ سال مائیک ہکابی کو اسرائیل میں امریکا کا سفیر مقرر کیا تھا۔

یہ بیان ایسے وقت میں سامنے آیا ہے جب مشرق وسطیٰ میں سیاسی کشیدگی اور علاقائی تنازعات پہلے ہی عالمی توجہ کا مرکز بنے ہوئے ہیں۔